Update: E calculacion nan ta refleha e cambio di tarifa valido entrante januari 2020 cu un rebaho di 10% cu a wordo publica pa C.A.S. akinan.
Elmar tin 3 tarifa pa cobra consumo di coriente. Si riba e meter a gasta menos cu 500 kWh (kilo Watt hour) den un luna, Elmar lo usa e tarifa di 0.3109 cent pa kWh. Ehempel, si e meter na comienso di luna ta na 7611 y na fin di luna 7911, esei lo siginifica un consumo di 300 kWh y lo mester paga Awg 93.27 cual ta 300 x 0.3109 = Awg 93.27 mas Awg 2.50 pa gasto di administracion.
Si acaso surpasa 500 kWh e tarifa lo cambia. E consumo di 750 kWh lo costa total 237.93 florin, caminda e prome 500 kWh ta na 0.3109 cent pa kWh (155.45 florin) y e resto di 250 kWh lo ta na 0.3199 cent pa kWh (79.98 florin). Pues 155.45 + 79.98 + 2.50 = 237.93 florin.
Asina tambe tin un di tres tarifa pa consumo di mas cu 1000 kWh cual ta 0.4209 cent pa kWh. Si a consumi 1200 kWh lo mester paga total 402.08 florin di cual e promer 500 kWh ta na 0.3109 cent e di dos 500 kWh cu ta na 0.3199 cent y e resto di 200 kWh lo ta na 0.4209 cent. Pues 155.45 + 159.95 + 84.18 + 2.50 = 402.08 florin.
Usando e formula aki y observa e meter di coriente, fasilmente bo por controla bo consumo mensual. Elmar ta pasa tuma meter riba un dia espesifico, mayoria biaha dia 15 di cada luna.