Cuminsa na pone un caha di herment (tool box) riba e lista.
Sea doño di bo prome cas por ta hopi excitante, pero prome cu cuminsa na cumpra mueble, mester percura pa tin algun herment esencial. Esakinan lo yuda pa hasi reparacionan basico of mehora e cas asina cu mester.
Un set di screwdriver
Un set di bon calidad ta sigur loke mester. E herment aki por wordo uza pa arma muebles pero tambe por wordo uza como un bijtel. Wak pa e set tin tanto screwdriver plat y Phillips.
Cordless drill y drill bits
Un cordless drill lo bira bo miho amigo nobo. Ta recomendabel un boormashin sin waya pa motibo nan ta super conviniente y por uza nan unda cu ta na cas. Tambe mester e puntanan.
Martiu
Mester di un martiu pa hopi tipo di trabow na cas. Ta bon pa tin uno di bon calidad cu un peso adecua pa asina ta mas facil pa traha cu ne.
Tape measure
Un tape measure ta vital pa hopi trabow rond di cas. Si mester midi distancia ora di pega cuadra of midi porta of bentana, bo mester un di nan.
Set di wrench (yabi)
Tur hende, specialmente doño di cas mester un set di yabi — bo ta keda sorpendi cuanto uzo e herment aki tin na cas. Wak pa tin diferente tamaño tanto na inch como cm.
Foks
E lampi riba un cellphone por ta bon, pero un bon foks di LED cu ta waterproof por salba bo bida. Foks ta lihe, fasil pa uza y bo no mester precupa cu e bateria di bo cellphone ta baha na mita di caminda.
Fuente: Consumer Affairs