Un bon servicio na consumido ta importante pasobra e ta duna valor adicional na e servicio y producto anto e consumido ta sinti un valor adicional pa e placa cu e ta paga. Ademas, e ta crea un bon imagen publico, e ta aumenta benta, crea lealtad di cliente y consecuentemente ta hiba na un cliente satisfecho.
Den termino di strategia di negoshi un bon servicio na consumido ta representa un descripcion di e relacion cu negoshi ta desea cu su cliente. Un bon servicio na consumido ta importante pasobra sin consumido no tin negoshi. Dienst Huur- en Consumentzaken ta boga pa tur empresa na Aruba inclui proteccion di consumido como un componente cardinal den nan strategia empresarial pa sigura nan propio continuidad riba mercado.
Esaki ta parti 3 for di 3 cu ta cubri e articulo aki. Repasa pari 1 akinan.