E compania ta bisa cu un leak di brake fluid a causa cu por lo menos 23 vehiculo a pega candela na merca
Hyundai y Kia ta recall casi 600,000 auto pa motibo cu un fayo por causa cu e vehiculo por pega candela.
E vehiculonan afecta ta e modelonan di aña 2013 te cu 2015 cu ta inclui 283,803 Kia Optima di 2013 pa 2015 y 156,567 Kia Sorento di 2014 y 2015. E recall ta involvi tambe 151,000 Hyundai Santa Fe SUVs di 2013 te cu 2015.
E companianan cual ta di mes un doño ta bisa cu e causa pa e candela ta ora cu brake fluid leak den e hydraulic control unit, cual ta parti di e brake su anti-lock. Ora esei pasa, e por causa un short electrico cu por start un candela. No ta algo nobo pa mitibo cu e fabrica di auto tawata investigando esaki fo’i 2018.
Observacion: Consumidornan na Aruba mester tuma contacto cu nan dealer di Hyundai cual ta Garage Central Aruba y Kia cual ta Top Car, esaki si nan vehiculo ta cay den e añanan di e recall.
Fuente: Consumer Affairs