Apple ta mantene cu nan ta pone nan apps pasa den un revision rigoroso.
Dos porciento di apps nan cu ta genera mas ganashi riba Apple su App Store ta contene un of otro forma di scam (engaño), esaki sigun un raport cu a sali den Washington Post. Hunto, e appnan maligno por costa consumidor alrededor di 48 miyon dollar.
Algun app ta pretende di ta bin for di companianan bon conosi manera Samsung, mientras otronan incluyendo VPNs ta purba di gaña e usuario pa nan paga pa haya proteccion di virus. Otronan ta uza reviews nan falso pa haya un posicion halto den e App Store.
Fuente: Consumer Affairs