Lote ta contene nivel halto di aflatoxin
U.S. Food and Drug Administration (FDA) a expande nan recall riba Sportmix pet foods, despues cu decenas di cachonan a muri.
Siman pasa e agencia a ecall cierto lote di Sportmix pet food despues di a haya cu e cumind’i cacho tawata contene un nivel hopi halto di aflatoxin, cual ta venenoso p’e cacho. E agencia a bisa cu 28 cacho a muri en coneccion cu e producto, y ocho otro a bira malo.
Aflatoxin ta un toxico cu ta wordo produci pa e mold Aspergillus flavus. E ta crece riba maishi y otro granonan cu ta wordo uza pa traha cumind’i cacho y cu potencialmente por causa morto den cacho si consumi esaki na gran cantidad.
Observacion: No ta sigur si e producto nan aki ta na Aruba, pero consumidornan mester ta atento na momento di hasi compras.
Fuente: Consumer Affairs y FDA