NOVEDAD

FDA ta avisa consumidor cu algun hand sanitizers por ta fatal

June 30, 2020


Productonan fabrica pa Eskbiochem ta relaciona cu efecto serio di salud

U.S. Food and Drug Administration (FDA) a publica aviso serio pa avisa consumidornan pa evita di uza caualkier hand sanitizer traha pa Eskbiochem SA de CV, basa na Mexico. 

FDA ta bisa cu e producto por ta venenoso pa motibo cu nan ta contene methanol, cual no ta un ingrediente aceptabel pa hand sanitizers. Consumidornan cu uza e producto cu e kimico aki por aborba esaki door di nan cuero.

FDA a identifica e siguinte productonan traha pa Eskbiochem como potencialmente venenoso.

  • All-Clean Hand Sanitizer (NDC: 74589-002-01)
  • Esk Biochem Hand Sanitizer (NDC: 74589-007-01)
  • CleanCare NoGerm Advanced Hand Sanitizer 75% Alcohol (NDC: 74589-008-04)
  • Lavar 70 Gel Hand Sanitizer (NDC: 74589-006-01)
  • The Good Gel Antibacterial Gel Hand Sanitizer (NDC: 74589-010-10)
  • CleanCare NoGerm Advanced Hand Sanitizer 80% Alcohol (NDC: 74589-005-03)
  • CleanCare NoGerm Advanced Hand Sanitizer 75% Alcohol (NDC: 74589-009-01)
  • CleanCare NoGerm Advanced Hand Sanitizer 80% Alcohol (NDC: 74589-003-01)
  • Saniderm Advanced Hand Sanitizer (NDC: 74589-001-01)

Observacion: No ta sigur si e producto aki ta na Aruba, pero consumidornan mester ta atento na momento di hasi compras.

Fuente: Consumer Affairs