Mescos cu Apotex Corp, awo Lupin Pharmaceuticals Inc. tambe ta haciendo un recall voluntario di nan lote G901203 di Metformin Hydrochloride Extended-Release cu ta bin den forma di tablet y ta di USP 500mg (genericamente igual na Fortamet®). Lupin Pharmaceuticals Inc a wordo notifica pa U.S. Food and Drug Administration (US FDA) cu e lote su nivel di N-Nitrosodimethylamine (NDMA) ta surpasa e limite permiti di tuma diariamente.
Metformin ta hopi popular como remedi pa esnan cu ta diabetico, y ta reduci e exseso di sucu den sanger. Personanan diabetico Typo 2 ta uza metformin su so of combina cu otro medicina pa yuda controla nan nivel di sucu den sanger.
Riesgo: NDMA ta wordo clasifica como probabilidad di ta canceroso pa humano (e substancia por causa cancer) basa riba resultado di testbab di laboratorio. NDMA ta conosi di ta un contaminante di medio ambiente cu ta den awa y cuminda, incluyendo carni, producto lactico y vegetal.
E producto afecta ta wordo identifica riba e label:
Producto: Metformin Hydrochloride Extended-Release Tablets, USP
Tablet: 500mg
NDC Nr: 68180-336-07
Lote: G901203
Observacion: No ta sigur si e lote di medicamento aki ta na Aruba, pero pashentnan mester ta atento cu esaki na boticanan.
Fuente: FDA